[Rank]
S. Casimiri Confessoris;;Semiduplex;;2.2;;vide C5

[Rank] (rubrica 196)
S. Casimiri Confessoris;;Duplex;;3;;vide C5

[Rank] (rubrica innovata)
S. Casimiri;;Semiduplex;;2.2;;vide C5

[Rule]
vide C5;;
9 lectiones
CPapaM=Lúcium;
Lectio1 Quad
in 1 Nocturno Lectiones ex Commune in 2 loco
(sed rubrica 1960)
scriptura1960

[Oratio]
Deus, qui inter regáles delícias et mundi illécebras sanctum Casimírum virtúte constántiæ roborásti: quǽsumus; ut ejus intercessióne fidéles tui terréna despíciant, et ad cæléstia semper aspírent.
$Per Dominum

[Commemoratio]
!Commemoratio S. Lucii I, Papæ et Martyris
@Commune/C2:Oratio proper Gregem
$Oremus
v. Deus qui nos beáti Lucii Martyris tui atque Pontíficis annua solemnitáte lætíficas: concede propítius; ut cujus natalícia cólimus, de ejúsdem étiam protectione gaudeámus.
$Per Dominum.

[Lectio4]
Casimírus, patre Casimiro, matre Elisabetha Austriaca, Poloniæ regibus ortus, a  pueritia sub optimis magistris, pietate et bonis artibus instructus, juveniles artus aspero domabat cilicio, et assiduis extenuabat jejuniis. Regii spreta lecti mollitie, dura cubabat humo, et clam intempesta nocte, præ foribus templorum pronus in terra divinam exorabat clementiam. In Christi contemplanda passione assiduus, Missarum solemniis adeo erecta in Deum mente solebat adesse, ut extra se rapi videretur.

[Lectio5]
Catholicam promovere fidem summopere studuit, et Ruthenorum schisma abolere: quapropter Casimírum patrem induxit, ut legem ferret, ne schismatici nova templa  construerent, nec vetera collabentia restaurarent. Erga pauperes et calamitatibus oppressos beneficus et misericors, patris et defensoris egenorum nomen obtinuit. Virginitatem, quam ab incunabulis servavit illæsam, sub extremo  vitæ termino fortiter asseruit, dum gravi pressus infirmitate, mori potius quam castitatis jacturam ex medicorum consilio subire, constanter decrevit.

[Lectio6]
Consummatus in brevi, virtutibus et meritis plenus, prænuntiato mortis die, inter sacerdotum et religiosorum choros' spiritum Deo reddidit, anno ætatis vigesimo quinto. Corpus Vilnam delatum multis claret miraculis. Etenim præterquam quod puella defuncta vitam, cæci visum, claudi gressum, et varii infirmi sanitatem ad ejus sepulchrum recuperarunt; Lithuanis exiguo numero ad potentissimi hostis insperatam irruptionem trepidantibus in aëre apparens, insignem tribuit victoriam. Quibus permotus Leo decimus eumdem Sanctorum catalogo adscripsit.

[Lectio94]
Casimírus, Polóniæ régis fílius, a puerítia pietáte et bonis ártibus instrúctus, juveníles artus áspero domábat cilício, et assíduis extenuábat jeiúniis. In Christi contemplánda passióne assíduus, oratiónis spiritum non relaxábat. Cathólicam fidem promovére, et Ruthenórum schisma abolére summópere stúduit. Erga páuperes et calamitátibus oppréssos benéficus et miséricors, patris et defensóris egenórum nomen obtínuit. Virginitátem usque ad extrémum vitæ términum constánter servávit illǽsam. Consummátus in brevi, virtútibus et méritis plenus, prænuntiáto mortis die, spíritum Deo réddidit, anno ætátis vigésimo quinto. Eum, miráculis clarum, Leo décimus in Sanctórum númerum réttulit.
&teDeum