[Rank]
S. Gulielmi Abbatis;;Duplex;;3;;vide C5

[Rule]
vide C5;
9 lectiones

[Oratio]
Deus, qui infirmitáti nostræ ad teréndam salútis viam in Sanctis tuis exémplum et præsídium collocásti: da nobis, ita beáti Guliélmi abbátis mérita venerári; ut ejúsdem excipiámus suffrágia, et vestígia prosequámur.
$Per Dominum

[Lectio4]
Gulielmus nobilibus parentibus Vercellis in Insubria natus, vix quartum decimum ætatis annum expleverat, cum miro quodam pietatis ardore flagrans, Compostellanam peregrinationem ad celeberrimum sancti Jacobi templum aggressus est, Quod iter una amictus tunica, ac duplici ferreo circulo præcinctus, nudisque pedibus prosecutus, asperrima frigoris et æstus, famis et sitis summo cum vitæ discrimine perpessus est incommoda. Reversus in Italiam, novam ad sanctum Domini sepulcrum peregrinationem molitur: sed quo minus propositum exsequatur, varia atque gravissima intercedunt impedimenta, divino numine ad altiora, et sanctiora religiosam juvenis indolem retrahente. Porro in soliculo monte biennium inter assiduas preces, vigilias, chameunias, et jejunia commoratus, divina subnixus ope, cæco lumen restituit. Cujus miraculi fama percrebrescente, jam Gulielmus latere non poterat: quare iterum Jerosolymam cogitat, et alacris se itineri committit.

[Lectio5]
Dei autem monitu, qui eidem apparuit, a proposito revocatur, utilior ac fructuosior tam apud Italos, quam apud exteras nationes futurus. Tum monasterium in Virgiliani montis cacumine, quod deínde Virginis est appellatum, loco aspero, et inaccesso miranda exædificat celeritate. Socios deínde viros, et religiosos asciscit, eosque ad vivendi normam evangelicis præceptis et consiliis summopere accommodatam tum certis legibus ex beati Benedicti institutis magna ex parte desumptis, tum verbo et sanctissimæ vitæ exemplis informat.

[Lectio6]
Aliis deínde monasteriis erectis, clarior in dies Gulielmi facta sanctitas multos ad eum undique viros perducit, sanctitatis odore, et miraculorum fama allectos. Nam muti loquelam, surdi auditum, aridi vigorem, varioque et immedicabili morbo laborantes, sanitatem ipsius intercessione receperunt. Aquam in vinum convertit, aliaque complura mirabilia patravit: inter quæ illud non silendum, quod, muliercula ad ejus castitatem tentandam missa, in ardentibus prunis humi stratis illæsum se volutavit De qua re certior factus Rogerius Neapolis rex, in summam viri Dei venerationem adducitur. Demum tempore sui obitus regi, aliisque prænuntiato, innumeris virtutibus et miraculis clarus obdormivit in Domino, anno salutis millesimo centesimo quadragesimo secundo.

[Lectio94]
Guliélmus, nobílibus paréntibus Vercéllis natus, vix quartum décimum ætátis annum expléverat, cum Compostellánam peregrinatiónem miro spíritu pœniténtiæ ac pietátis ardóre perégit. Dein, nova peregrinatióne ad Christi Dómini sepúlcrum frustra tentáta, in solitário monte inter assíduas preces, vigílias et jejúnia per biénnium delítuit. Cum cæco lumen restituísset, hóminum existimatiónem fúgiens monastérium in Virgiliáni montis, quod deínde Vírginis est appellátum, loco áspero et inaccésso exædíficat; ibi sócios ascíscit, eósque certis légibus, ex beáti Benedícti institútis magna ex parte desúmptis, verbo et sanctíssimæ vitæ exémplis infórmat. Aliis deínde monastériis eréctis, clárior in dies Guliélmi facta sánctitas multos ad eum úndique viros perdúcit, frequéntium étiam miraculórum fama alléctos. Demum, témpore sui óbitus prænuntiáto, obdormívit in Dómino anno salútis millésimo centésimo quadragésimo secúndo.
&teDeum

[Lectio7]
@Commune/C4:Lectio7 in 4 loco

[Lectio8]
@Commune/C4:Lectio8 in 4 loco

[Lectio9]
@Commune/C4:Lectio9 in 4 loco

[Commemoratio 2] (rubrica 1888 aut rubrica divino)
@Sancti/06-24:Octava