[Rank]
S. Lini Papæ et Martyris;;Semiduplex;;2.2;;vide C2

[Rule]
vide C2;
9 lectiones
OPapaM=Linum;

[Oratio]
@Commune/C2:Oratio1:s/N\./Lini/

[Commemoratio]
!Commemoratio S. Theclæ Virginis et Martyris
@Commune/C6:Oratio proper
$Oremus
v. Da, quǽsumus, omnípotens Deus: ut, qui beátæ Theclæ Vírginis et Mártyris tuæ natalícia cólimus; et ánnua solemnitáte lætémur, et tantæ fídei proficiámus exémplo.
$Per Dominum

[Lectio4]
Linus Pontifex, Volaterris in Etruria natus, primus post Petrum gubernávit Ecclésiam. Cujus tanta fides et sanctitas fuit, ut non solum dæmones ejiceret, sed étiam mórtuos revocaret ad vitam. Scripsit res gestas beáti Petri, et ea maxime quæ ab illo acta sunt contra Simónem magum. Sancívit ne qua mulier, nisi velato cápite, in ecclésiam introíret. Huic Pontifici caput amputátum est ob constantiam fidei, jussu Saturnini ímpii et ingratíssimi consularis, cujus filiam a dæmonum vexatióne liberaverat. Sepultus est in Vaticano prope sepúlcrum Principis Apostolórum, nono Kalendas Octobris. Sedit annos undecim, menses duos, dies viginti tres, creatis, bis mense Decembri, epíscopis quindecim, presbyteris decem et octo.

[Lectio5]
De Expositióne sancti Ambrósii Epíscopi in Psalmum centésimum décimum octavum.
!Sermone 21
Príncipes persecúti sunt me gratis: et a verbis tuis trepidávit cor meum. Bene hoc Martyr dicit, quod injúste persecutiónum torménta sustineat; qui nihil rapúerit, nullum violentus oppresserit, nullius sánguinem fuderit, nullius torum putaverit esse violándum; qui nihil légibus debeat, et gravióra latronum sustinere cogátur supplícia; qui loquátur juste, et non audiátur; qui loquátur plena salútis, et impugnétur, ut possit dicere: Cum loquébar illis, impugnábant me gratis. Gratis ígitur persecutiónem pátitur, qui impugnátur sine crimine; impugnátur ut noxius cum sit in tali confessióne laudábilis; impugnátur quasi veneficus, qui in nómine Dómini gloriátur, cum pietas virtútum ómnium fundaméntum sit.

[Lectio6]
Vere frustra impugnátur, qui apud ímpios et infidos impietátis arcessitur, cum fidei sit magister. Verum, qui gratis impugnátur, fortis debet esse et constans; quómodo ergo subtexuit: Et a verbis tuis trepidávit cor meum? Trepidare infirmitátis est, timoris atque formidinis. Sed est étiam infirmitas ad salútem, est étiam timor sanctórum: Timéte Dóminum, omnes sancti ejus; et, Beátus vir, qui timet Dóminum. Qua ratióne beatus? Quia in mandatis ejus cupit nimis.

[Lectio94]
Linus Póntifex, Volatérris in Etrúria natus, primus post Petrum gubernávit Ecclésiam. Cujus tanta fides et sánctitas fuit, ut non solum dǽmones eíceret, sed étiam mórtuos revocáret ad vitam. Scripsit res gestas beáti Petri, et ea máxime quæ ab illo acta sunt contra Simónem magum. Sancívit ne qua múlier, nisi veláto cápite, in ecclésiam introíret. Huic Pontífici caput amputátum est ob constántiam fídei, jussu Saturníni ímpii et ingratíssimi consuláris, cujus fíliam a dǽmonum vexatióne liberáverat. Sepúltus est in Vaticáno prope sepúlcrum Príncipis Apostolórum, nono caléndas octóbris. Sedit annos úndecim, menses duos, dies vigínti tres, creátis, bis mense decémbri, epíscopis quíndecim, presbýteris decem et octo.
&teDeum

[Lectio7]
@Commune/C4:Lectio7 in 2 loco

[Lectio8]
@Commune/C4:Lectio8 in 2 loco

[Lectio9]
@Commune/C4:Lectio9 in 2 loco

[Lectio93]
Thecla virgo, ex illustribus paréntibus Iconii nata, a Paulo Apóstolo fidei præceptis instituta, miris sanctórum Patrum laudibus celebrátur. Quæ décimum octavum annum agens, Thamíride sponso relícto, cum eam paréntes, quod Christiana esset, accusassent, in ardentem rogum, qui, nisi Christo renuntiáret, ei parátus erat, prius signo crucis armata, seipsam injecit. Sed igne, plúvia quæ repénte exorta est, exstincto, Antiochíam venit; ubi, feris objecta et tauris in diversa incitátis alligata, mox conjecta in fossam plenam serpéntibus, ex ómnibus Jesu Christi grátia liberátur. Cujus ardore fidei et vitæ sanctitáte multi ad Christum convérsi sunt. Iterum in pátriam rédiens, in montem sola secessit. Deínde, multis virtútibus et miraculis insígnis, nonagenaria migrávit ad Dóminum, ac Seleucíæ sepúlta est. 
&teDeum