@Sancti/02-10

[Rank]
S. Scholasticæ Virginis;;II Class;;5;;vide C6b

[Rule]
vide C6b;
12 lectiones

[Ant Vespera]
@:Ant Laudes:s/$/_/gm s/_/;;109/ s/_/;;112/ s/_/;;121/ s/_/;;126/ s/_//

[Responsory Vespera]
R.br. In colúmbæ spécie * Scholásticæ ánima visa est.
R. In colúmbæ spécie * Scholásticæ ánima visa est.
V. Fratérna mens lætáta est.
R. Scholásticæ ánima visa est.
&Gloria
R. In colúmbæ spécie * Scholásticæ ánima visa est.

[Hymnus Vespera]
v. Te beáta sponsa Christi,
Te, colúmba vírginum,
Síderum tollunt colóni
Láudibus, Scholástica:
Nostra te lætis salútant
Vócibus præcórdia.
_
Sceptra mundi cum corónis
Docta quondam spérnere,
Dogma fratris insecúta
Atque sanctæ Régulæ,
Ex odóre gratiárum,
Astra nosti quǽrere.
_
O potens virtus amóris!
O decus vitóriæ!
Dum fluéntis lacrymárum
Cogis imbres cúrrere,
Ore Nursíni paréntis
Verba cœli súscipis.
_
Luce fulges expetíta
In polórum vértice,
Clara flammis caritátis
Cum nitóre grátiæ:
Juncta Sponso conquiéscis
In decóre glóriæ.
_
Nunc benígna pelle nubes
Córdibus fidélium,
Ut seréna fronte splendens
Sol perénnis lúminis,
Sempitérne claritátis
Ímpleat nos gáudiis.
_
Glóriam Patri canámus
Unícoque Fílio;
Par tribútum proferámus
Inclyto Paráclito,
Nútibus cujus creántur,
Et regúntur sǽcula.
Amen.

[Versum 1]
V. Qua est ista, quæ ut nubes volat?
R. Et quasi colúmba ad fenéstras suas?

[Ant 1]
Exsúltet ómnium * turba fidélium pro glória vírginis almæ Scholásticæ; læténtur præcípue catérvæ vírginum, celebrántes ejus solemnitátem, quæ fundens lácrymas, Dóminum rogávit, et ab eo plus pótuit, quia plus amávit.

[Ant Matutinum]
Q quam admirábile * nomen Dómini! † In cujus virtúte beáta Virgo Scholástica tam ingéntem plúviam obtinére méruit.;;8
Cæli * enárrant glóriam Dei, † et annúntiant mérita sanctæ Scholásticæ Vírginis.;;18
Hæc accépit * benedictiónem a Dómino, † et misericórdiam a Deo salutári suo.;;23
Dilexísti * justítiam, et odísti iniquitátem; † proptérea unxit te Deus, Deus tuus, óleo lætítiæ.;;44
Flúminis ímpetus * lætíficat Scholásticam, Sponsam Dei.;;45
Circúmdate * Scholásticam, et narráte virtútes ejus.;;47
Dóminus * Scholásticæ dedit benignitátem † et terra dedit fructum.;;84
Sicut lætántium ómnium * habitátio est in te, o beáta mater Scholástica.;;86
Conféssio * et pulchritúdo in conspéctu Dómini; † sanctimónia et magnificéntia in sanctificatióne Scholásticæ sponsæ suæ.;;95
Illuxérunt * fúlgura Dei, dum oráret ad eum sancta Virgo Scholástica.;;96
Cantáte * Dómino cánticum novum, † quia mirabília fecit in dilécta fília Scholástica.;;97
Invocábat * Scholástica Dóminum; † et exaudiébat eam.;;98
Dóminus * Scholásticam quasi sponsum decorávit coróna, et ornávit monílibus suis.;;249;250;251

[Lectio1]
@Sancti/07-02:Lectio1:s/-7/-5/ s/.6.*//s

[Responsory1]
R. Alma Scholástica, sanctíssimi patris Benedícti soror,
* Ab ipso infántiæ témpore, omnipoténti Dómino consecráta, † viam justítiæ non deséruit.
V. Laudáte púeri Dóminum, laudáte nomen Dómini.
R. Ab ipso infántiæ témpore, omnipoténti Dómino consecráta, † viam justítiæ non deséruit.

[Lectio2]
@Sancti/07-22:Lectio2:s/-4/-2/ s/.3.*//s

[Responsory2]
R. Exémplo vitæ venerábilis, et verbo sanctæ prædicatiónis informári cúpiens, † ad eum semel in anno veníre consuéverat:
* Et eam vir Dei doctrínis cæléstibus instruébat.
V. Beátus qui audit verba ipsíus, et servat ea quæ scripta sunt.
R. Et eam vir Dei doctrínis cæléstibus instruébat.

[Lectio3]
@Sancti/07-22:Lectio2:s/1-/3-/ s/1 .*3/3/s
@Sancti/07-22:Lectio3:s/.*5/5/s s/Sub .*//s

[Responsory3]
R. Sancta virgo Scholástica, quasi hortus irríguus
* Gratiárum cæléstium jugi rore perfundebátur.
V. Sicut fons aquárum, cujus non defícient aquæ.
R. Gratiárum cæléstium jugi rore perfundebátur.

[Lectio4]
@SanctiM/11-17:Lectio2

[Responsory4]
R. Cumque ad mensam sedérent, venerábilis soror Dei servum rogávit,
* Ut tota nocte commorántes, de cæléstis vitæ gáudiis loqueréntur.
V. Servus autem Dómini petitiónem admírans, † manére posse extra cellam negat instánti.
R. Ut tota nocte commorántes, de cæléstis vitæ gáudiis loqueréntur.

[Lectio5]
@Sancti/02-10:Lectio4:s/Sanctimoniális.*//s

[Responsory5]
R. Quamdam die cum ex more venísset, † venerábilis frater ejus cum religiósis discípulis ad eam descéndit:
* Et per totam diem in Dei láudibus permanéntes, accepérunt cibos.
V. Ecce, quam bonum et quam jucúndum, habitáre fratres in unum!
R. Et per totam diem in Dei láudibus permanéntes, accepérunt cibos.

[Lectio6]
@Sancti/02-10:Lectio4:s/.* Sanctimoniális/Sanctimoniális/s s/$/~/
@Sancti/02-10:Lectio5:s/Tunc.*//s

[Responsory6]
R. Cumque perfúsis lácrimis caput laváret, † miræ coruscatiónes et tonítrua erupérunt:
* Unde venerábilis Benedíctus, et qui cum eo vénerant, ad honórem Dei pernoctavérunt.
V. Benedíctæ tam efficáces lácrimæ, † per quas cæli serénitas ad plúviam redácta est.
R. Unde venerábilis Benedíctus, et qui cum eo vénerant, ad honórem Dei pernoctavérunt.

[Lectio7]
@Sancti/02-10:Lectio5:s/.*Tunc/Tunc/s

[Responsory7]
R. Desidérium cordis ejus tríbuit ei Dóminus:
* A quo obtínuit quod a fratre obtinére non pótuit.
V. Bonus est Dóminus ómnibus sperántibus in eum, ánimæ quærénti illum.
R. A quo obtínuit quod a fratre obtinére non pótuit.

[Lectio8]
@Sancti/02-10:Lectio6

[Responsory8]
R. Moram faciénte Sponso, ingemiscébat Scholástica dicens:
* Quis dabit mihi pennas sicut colúmbæ, et volábo et requiéscam?
V. En diléctus meus lóquitur mihi: † Surge, amíca mea, et veni.
R. Quis dabit mihi pennas sicut colúmbæ, et volábo et requiéscam?

[Lectio9]
Léctio sancti Evangélii secúndum Matthǽum
!Matt 25:1-13
In illo témpore: Dixit Jesus discípulis suis parábolam hanc: Símile erit regnum cælórum decem virgínibus: quæ, accipiéntes lámpades suas, exiérunt óbviam sponso et sponsæ. Et réliqua.
_
Homilía sancti Hilárii Epíscopi
!Comm. in Matthæum, can. 27
Sponsus atque sponsa, Dóminus noster est in córpore Deus. Nam ut Spíritus carni ita Spirítui caro sponsa est. Dénique tuba excitánte, sponso tantum óbviam prodítur; erant enim jam ambo unum; quia in glóriam spiritálem humílitas carnis excésserat. Primo autem progréssu, vitæ hujus offíciis, occúrrere in resurrectiónem quæ est a mórtuis præparámur. Lámpades ígitur, animárum splendéntium lumen est, quæ sacraménto baptísmi splenduérunt. Oleum, boni óperis est fructus. Vasa, humána sunt córpora, intra quorum víscera thesáurus bonæ consciéntiæ recondéndus est. Vendéntes sunt hi, qui misericórdia fidélium indigéntes, reddunt ex se petíta commércia, indigéntiæ suæ scílicet satietáte, boni óperis nostri consciéntiam veneúntes. Hæc enim indeféssi lúminis copiósa matéries est, quæ misericórdiæ frúctibus et eménda est et recondénda.

[Responsory9]
R. Sanctus Benedíctus, post tríduum in cella consístens, † élevans ad cælum óculos, vidit soróris suæ ánimam de córpore egréssam,
* In colúmbæ spécie cæli secréta penetráre.
V. Qui tantæ ejus glóriæ congáudens, omnipoténti Deo in hymnis et láudibus grátias réddidit, † ejúsque óbitum frátribus denuntiávit.
R. In colúmbæ spécie cæli secréta penetráre.

[Lectio10]
Núptiæ, immortalitátis assúmptio est, et inter corruptiónem atque incorruptiónem ex nova societáte conjúnctio. Mora sponsi, pœniténtiæ tempus est. Exspectántium somnus, credéntium quies est, et in pœniténtiæ témpore mors temporária universórum. Nocte média clamor, cunctis ignorántibus tubæ vox est, Dómini præcedéntis advéntum, et univérsos ut óbviam sponso éxeant excitántis. Lámpadum assúmptio, animárum est réditus in córpora: earúmque lux, consciéntia boni óperis elúcens, quæ vásculis córporum continétur.

[Responsory10]
R. In colúmbæ spécie Scholásticæ ánima visa est: † fratérna mens lætáta est hymnis et imménsis láudibus:
* Benedíctus sit talis éxitus, multo magis talis intróitus.
V. Totus cælésti gáudio perfúsus remánsit pater Benedíctus.
R. Benedíctus sit talis éxitus, multo magis talis intróitus.

[Lectio11]
Prudéntes vírgines hæ sunt, quæ opportúnum in corpóribus operándi tempus ampléxæ, in primum se occúrsum advéntus domínici præparáverint. Fátuæ autem, quæ dissolútæ ac negligéntes, præséntium tantum sollicitúdinem habúerint; et immémores promissórum Dei, in nullam se spem resurrectiónis exténderint. Et quia prodíre óbviam fátuæ exstínctis lampádibus non possunt? deprecántur eas quæ prudéntes erant, ut óleum mutuéntur. Quibus respondérunt, non posse se dare, quia non sit forte quod ómnibus satis sit: aliénis scílicet opéribus ac méritis néminem adjuvándum, quia uniquíque lámpadi suæ émere óleum sit necésse. Quas hortántur ut rédeant ad eméndum: si vel sero præcéptis Dei obsequéndo, cum lámpadum luce sponsi dignæ efficiántur occúrsu.

[Responsory11]
R. Anima Scholásticæ ex arca córporis instar colúmbæ egréssa, † portans ramum olívæ, signum pacis et grátiæ.
* In cælos evolávit.
V. Quæ cum non inveníret ubi requiésceret pes ejus.
R. In cælos evolávit.

[Lectio12]
Quibus moràntibus, sponsus ingréssus est; atque una cum eo in núptias sapiéntes, quæ comparáto lámpadum lúmine operiebántur, intróeunt, id est, in cæléstem glóriam sub ipso statim advéntu domínicæ claritátis incédunt. Et quia jam pœniténtiæ nullum est tempus, fàtuæ accúrrunt, aperíri sibi áditum rogant. Quibus respondétur a sponso, quia néscio vos. Non enim in offício adveniéntis adfúerant, neque ad vocem tubæ excitántis occúrrerant, neque introëúntium comitàtui adhǽserant: sed morántes et indígnæ, introëúndi ad núptias tempus amíserant.

[Responsory12]
R. Tu quæ in columbína spécie secréta cæli scándere hódie didicísti:
* Fac nos ita innocénter vívere, † ut valeámus tecum amáre quod amásti.
V. Tu quæ in pueríli ætáte tecta fuísti sacro velámine, et supérna novísti.
R. Fac nos ita innocénter vívere, † ut valeámus tecum amáre quod amásti.

[LectioE]
@Commune/C6

[Ant Laudes]
Egrédere modo, frater: * egrédere, si potes: et dímissa, ad monastérium recéde.
Parcat tibi, soror, * omnípotens Deus: quid est quod fecísti?
Ecce te rogávi, * et audíre me noluísti; rogávi Dóminum meum, et audívit me.
Loquámur nunc * usque mane de cælestibus per sacra spritualis vitæ colloquia.
Cum sanctus Benedíctus * post tríduum in cella consísteret, elevátis óculis, vidit soróris ánimam, de córpore egréssam, in colúmbæ spécie cæli secréta penetráre.

[Capitulum Laudes]
!Cant 2:13-14
v. Surge, amíca mea, speciósa mea, et veni, colúmba mea, in foramínibus petræ, in cavérna macériæ, osténde mihi fáciem tuam, sonet vox tua in áuribus meis: vox enim tua dulcis, et fácies tua decóra.
$Deo gratias

[Hymnus Laudes]
v. Jam noctis umbræ cóncidunt,
Dies cupíta náscitur,
Qua vírgini Scholásticæ
Sponsus perénnis júngitur.
_
Brumæ recédit tǽdium,
Fugántur imbres núbibus,
Vernántque campi síderum
Æternitátis flóribus.
_
Amóris auctor évocat,
Dilécta pennas índuit;
Ardens ad oris óscula
Colúmba velox évolat.
_
Quam pulchra gressum prómoves,
O chara proles Príncipis!
Nursínus Abbas áspicit,
Grates repéndit Númini.
_
Ampléxa Sponsi déxteram,
Metit corónas débitas,
Immérsa rivis glóriæ,
Deíque pota gáudiis.
_
Te, Christe, flos convállium,
Patrémque cum Paráclito,
Cunctos per orbis cárdines
Adóret omne sǽculum.
Amen.

[Versum 2]
V. Ecce tu pulchra es, amíca mea.
R. Ecce tu pulchra es; óculi tui columbárum.

[Ant 2]
O quam præclára sunt * mérita beátæ Scholásticæ! O quanta virtus lacrimárum, per quas ínclyta Virgo áeris serenitátem ad plúviæ traxit inundatiónem.

[Capitulum Sexta]
!Cant 6:8
v. Un est colúmba mea, perfécta mea: vidérunt eam fíliæ Sion, et beatíssimam prædicavérunt et regínæ laudavérunt eam.
$Deo gratias

[Capitulum Nona]
!Cant 5:12
v. Oculi ejus sicut colúmbæ super rívulos aquárum, quæ lacte sunt lotæ, et résident juxta fluénta pleníssima.

[Versum 3]
@:Versum 1

[Ant 3]
Hódie * sacra virgo Scholástica in spécie colúmbæ, ad ǽthera tota festíva perréxit: hódie cœlestis vitæ gáudiis cum fratre suo pérfrui merétur in sempitérnum.