@Sancti/08-20

[Rank]
S. Bernardi Abbatis et Ecclesiæ Doctoris;;Duplex;;3;;vide C5

[Hymnus Vespera]
v. Jam Regína discúbuit,
Sedens post Unigénitum:
Nardus odórem tríbuit,
Bernárdus tradens spíritum.
_
Dulcis Regínæ gústui
Fructus sui suávitas:
Dulcis ejus olfáctui
Nardi Bernárdi sánctitas.
_
Veni sponsa de Líbano,
Coronánda divínitus,
Ut Bernárdus de clíbano
Veníret Sancti Spíritus.
_
Quæ est ista progrédiens
Velut auróra rútilans?
Quis est iste transíliens
Colles, sanctis conjúbilans?
_
Hæc glória terríbilis,
Sicut castrórum ácies:
Hic grátia mirábilis,
Ut Assuéri fácies.
_
Ora pro nobis Dóminum,
Prædúlcis fumi vírgula:
Inclína Patrem lúminum,
Pastor, ardens ut fácula.
_
Sit Trinitáti glória,
Per quam triúmphus Vírginis
Et Bernárdi felícitas
Manent in cæli cúria.
Amen.

[Responsory1]
@Commune/C4a:Responsory8

[Hymnus Laudes]
v. Lacte quondam profluéntes,
Ite, montes vos procul:
Ite, colles, fusa quondam
Unde mellis flúmina;
Israël, jactáre late
Manna priscum désine.
_
Ecce cujus corde sudant,
Cujus ore prófluunt
Dulcióres lacte fontes,
Mellis amnes ǽmuli:
Ore tanto, corde tanto
Manna nullum dúlcius.
_
Quæris unde duxit ortum
Tanta lactis cópia;
Unde favus, unde prompta
Tanta mellis s[u]ávitas;
Unde tantum manna fluxit,
Unde tot dulcédines.
_
Lactis imbres Virgo fudit
Cǽlitus puérpera:
Mellis amnes os leónis
Excitávit mórtui:
Manna sylvæ, cælitúmque
Solitúdo próxima.
_
Doctor o Bernárde, tantis
Aucte cæli dótibus,
Lactis hujus, mellis hujus,
Funde rores désuper;
Funde stillas, plenióre
Jam potítus gúrgite.
_
Summa summo laus Parénti,
Summa laus et Fílio:
Far tibi sit, sancte, manans
Ex utróque, Spíritus;
Ut fuit, nunc et per ævum
Compar semper glória.
Amen.

[Ant 2]
Bernárdus, * Doctor mellífluus, amícus Sponsi, Vírginis Matris præco miríficus, in clara valle pastor effúlsit claríssimus.

[Ant 3]
@Commune/C4a:Ant 1:s/N\./Bernárde/