[Rank]
S. Dominici Confessoris Patris Nostri;;;;6;;vide C4

[Rule]
vide C4;
9 lectiones
Psalmi Dominica
Antiphonas horas

[Ant Vespera]
Gaude felix parens Hispánia, novæ prolis dans mundo gáudia: sed tu magis plaude Bonónia, tanti Patris dotáta glória: lauda tota Mater Ecclésia, novæ laudis agens solémnia.;;112;116;145;146;147

[Hymnus Vespera]
v. Gaude Mater Ecclésia,
Lætam agens memóriam:
Quæ novæ prolis gáudia
Mittis ad cæli cúriam.
_
Prædicatórum Ordinis
Dux et pater Domínicus
Mundi jam fulget términis,
Civis efféctus cǽlicus.
_
Carnis liber ergástulo,
Cæli potítur glória:
Pro paupertátis cíngulo
Stola dotátur régia.
_
Fragrans odor de túmulo,
Cum virtútum frequéntia,
Clamat pro Christi fámulo
Summi Regis magnália.
_
Trino Deo et símplici
Laus, honor, virtus, glória:
Qui nos prece Domínici
Ducat ad cæli gáudia.
Amen.

[Versum 1]
@Commune/C2:Versum 0:s/N\./Domínice/

[Ant 1]
Transit pauper ad regni sólium, dux ad sceptrum, victor ad prǽmium, mors in vitam, labor in ótium, præsens cedit luctus in gáudium.

[Oratio]
@Sancti/08-04::s/ tui / tui, Patris nostri, /

[Invit]
Adsunt Domínici læta solémnia * Laude multíplici plaudat Ecclésia.

[Hymnus Matutinum]
v. Novus athléta Dómini
Collaudétur Domínicus,
Qui rem confórmat nómini,
Vir factus evangélicus.
_
Consérvans sine mácula
Virginitátis lílium,
Ardébat quasi fácula,
_
Mundum calcans sub pédibus,
Manum misit ad fórtia,
Nudus occúrens hóstibus,
Christi suffúltus grátia.
_
Pugnat verbo, miráculis,
Missus per orbem frátribus:
Crebros adjúngens sédulis,
Fletus oratiónibus.
_
Trino Deo et símplici,
Laus, honor, virtus, glória,
Qui nos prece Dominici
Ducat ad cæli gáudia.
Amen.

[Ant Matutinum]
Præco novus et cáelicus, missus in fine sáeculi, pauper fulsit Domínicus, forma prævísus cátuli.;;1
Florem pudicítiæ servans illibátum, áttigit exímiæ vitte cælibátum.;;2
Documéntis ártium erudítus satis, tránsiit ad stúdium summæ veritátis.;;3
@Commune/C5::4-5
Sub Augustíni régula mente profécit sédula: tandem virum canónicum auget in apostólicum.;;4
Agonízans pro Christi nómine, mundum replet divíno sémine, paupertátis degens sub tégmine.;;5
Pernox cum Christo próprium non possidébat léctulum: post lacrimárum flúvium, vix humidans corpúsculum.;;8
@Commune/C5::9-10
Sitiébat servus Christi martýrium, sicut sitit cervus ad aqua flúvium.;;14
Migrans Pater fíliis, vitæ firmaméntum, paupertátis húmilis condit testaméntum.;;20
Liber carnis vínculo cælum introívit, ubi pleno póculo gustat quod sitívit.;;23
@Commune/C2:Versum 2

[Lectio1]
!1 Cor 1:20-25
20 Nonne stultam fecit Deus sapiéntiam hujus mundi?
21 Nam quia in Dei sapiéntia non cognóvit mundus per sapiéntiam Deum: plácuit Deo per stultítiam prædicatiónis salvos fácere credéntes.
22 Quóniam et Judǽi signa petunt, et Græci sapiéntiam quærunt:
23 nos autem prædicámus Christum crucifíxum: Judǽis quidem scándalum, géntibus autem stultítiam,
24 ipsis autem vocátis Judǽis, atque Græcis Christum Dei virtútem, et Dei sapiéntiam:
25 quia quod stultum est Dei, sapiéntius est homínibus: et quod infírmum est Dei, fórtius est homínibus.

[Responsory1]
R. Mundum vocans ad Agni núptias, hora cenæ Paterfamílias servum mittit,
* Promíttens várias vite delícias.
V. Ad hoc convívium tam permagníficum elégit núntium sanctum Domínicum.
R. Promíttens várias vite delícias.

[Lectio2]
!2 Cor 4:1-4
1 Habéntes administratiónem, juxta quod misericórdiam consecúti sumus, non defícimus,
2 sed abdicámus occúlta dedécoris, non ambulántes in astútia, neque adulterántes verbum Dei, sed in manifestatióne veritátis commendántes nosmetípsos ad omnem consciéntiam hóminum coram Deo.
3 Quod si étiam opértum est Evangélium nostrum, in iis, qui péreunt, est opértum:
4 in quibus Deus hujus sǽculi excæcávit mentes infidélium, ut non fúlgeat illis illuminátio Evangélii glóriæ Christi, qui est imágo Dei.

[Responsory2]
R. Datum mundo pro mundi glória, mira Christi præsígnat grátia:
* Cujus ortum pracúrrunt núntia, veri præsságia.
V. Stella micans in fronte párvuli novum jubar præmónstrat sǽculi.
R. Cujus ortum pracúrrunt núntia, veri præsságia.

[Lectio3]
!2 Cor 4:5-10
5 Non enim nosmetípsos prædicámus, sed Jesum Christum Dóminum nostrum: nos autem servos vestros per Jesum:
6 quóniam Deus, qui dixit de ténebris lucem splendéscere, ipse illúxit in córdibus nostris ad illuminatiónem sciéntiæ claritátis Dei, in fácie Christi Jesu.
7 Habémus autem thesáurum istum in vasis fictílibus: ut sublímitas sit virtútis Dei, et non ex nobis.
8 In ómnibus tribulatiónem pátimur, sed non angustiámur: aporiámur, sed non destitúimur:
9 persecutiónem pátimur, sed non derelínquimur: deícimur, sed non perímus:
10 semper mortificatiónem Jesu in córpore nostro circumferéntes, ut et vita Jesu manifestétur in corpóribus nostris.

[Responsory3]
R. Verbum vitæ dum palam prómitur, surgunt hostes, liber conscríbitur, favent omnes:
* Sic error vincitur, Fides extóllitur.
V. Ter in flammas libéllus tráditus, ter exívit illǽsus pénitus.
R. Sic error vincitur, Fides extóllitur.

[Lectio4]

!Ex Theodorico de Apoldia, S. Antonino et aliis gestorúm ejus auctoribus
Sanctssimus Pater Dominicus Calaróge in Hispánia ex nobilíssima Guzmanórum família natus est. Hujus mater grávida sibi visa est per quiétam continére in alvo cátulum, qui facem ore préferens, orbem terrárum incénderet: quo sómnio significabátur fore ut splendóre sanctitátis ac doctrína ejus gentes ad christiánam pietátem inflammaréntur. Post liberálium ártium ac theologíe stúdia, ex quibus singulárem sibi eruditiónem comparávit, primum Oxoménsis Ecclésie canónicus reguláris fuit: deínde claríssimum Praedicatórum órdinem, unde innúmera totíus sanctitátis et doctrínæ exémpla in Ecclésiam promanárunt, instítuit, ab Honório tértio Summo Pontífice confirmátum anno salútis millésimo ducentésimo décimo sexto.

[Responsory4]
R. Paupertátis ascéndens cúlmina, clamat mundi detéstans crímina, frangit hostes et fugat ágmina:
* Nulla Sanctum frangunt discrímina.
V. Nocte cæli perlústrans límina, die teris dat verbi sémina.
R. Nulla Sanctum frangunt discrímina.

[Lectio5]
Post confirmátum órdinem, noctes in ecclésia pæne ducébat insómnes: ac modo in génua procúmbens, modo toto córpore prostrátus orábat. Et si quando grávior somnus fessa membra obrúeret, stans nixus altári vel ad durum lápidem inclinátus, páululum quiescébat. Caténa férrea síngulis nóctibus ádeo ácriter nudum corpus aflligébat, ut sánguinis rivi deflúerent. Máximam lacrimárum vim assídue profundébat: atque in primis cum sacrum Missæ sacrifícium peragébat. Nulla re æque letabátur ac sui contémptu: puritátem tum córporis tum ánimi integérrimam perpétuo servávit.

[Responsory5]
R. Panis oblátus cǽlitus fratrum supplet inópiam:
* Vitǽque natus rédditus matris pellit tristítiam.
V. Signo Crucis obédit plúvia, lingua verba transfórmat vária.
R. Vitǽque natus rédditus matris pellit tristítiam.

[Lectio6]
Peccátis et ærúmnis humánis veheménter discruciabátur. Itínera nudis pédibus, étiam per loca áspera, hymnos cóncinens, conficiébat. Abstinéntia rara, carnes numquam edébat: jejúnia nec æger solvébat. Letális críminis totam vitam expértem omníno duxit. Linguæ observantíssimus custos, non nisi cum Deo aut de Deo colloquebátur: ac vix de áliis rebus illi sermo erat. Salútis animárum sitientíssimus, martýrii quoque cupidíssimus fuit. In everténdis heréticis Albigénsibus septem consúmpsit annos, multis córum ad cathólicam fidem addúctis. Máximis vivens et post mortem miráculis fulsit: et inter ália, Romeæ tres mórtuos suscitávit. Fuit vir plane apostólici péctoris ac spíritus, fídei cólumen, Evangélii tuba, orbis óculus, Christi lucérna, secúndus Præcúrsor, et magnus animárum œcónomus: quem multíplices tantárum virtútum in cælo coróna décorant.

[Responsory6]
R. Granum excússum pálea, nexu solúto lúteo, de paupertátis área cæli locátur hórreo:
* Cum mercéde virgínea Doctórum fulgens cúneo.
V. Flos in florum virens aréola, bina gaudet sortis auréola.
R. Cum mercéde virgínea Doctórum fulgens cúneo.

[Lectio7]
@Commune/C4a

[Responsory7]
R. Felix vitis, de cujus súrculo tantum germen redúndat século,
* Cæli vinum propinans pópulo vitáli póculo.
V. Ex ubertáte pálmitum mundi jam cinxit ámbitum.
R. Cæli vinum propinans pópulo vitáli póculo.

[Lectio8]
@Commune/C4a

[Responsory8]
R. Ascendénti de valle lúbrici mundi, chori plaudunt angélici:
* Jesu bone, prece Domínici, tibi præsta nos gratos éffici.
V. Per quem multos a morte súscitas, pœnas nobis reláxa débitas.
R. Jesu bone, prece Domínici, tibi præsta nos gratos éffici.

[Lectio9]
@Commune/C4a

[Responsory9]
R. O spem miram, quam dedísti mortis hora te fléntibus, dum post mortem promisísti te profutúrum frátribus!
* Imple, Pater, quod dixísti, nos tuis juvans précibus.
V. Qui tot signis claruísti in ægrórum corpóribus, nobis opem ferens Christi, ægris medére móribus.
R. Imple, Pater, quod dixísti, nos tuis juvans précibus.

[Versum 0]
@:Versum 1

[Ant Laudes]
Adest dies letítiæ, quo beátus Domínicus aulam cæléstis cúrim civis intrat magníficus.
Pauper in pecúlio, dives vita pura, paupertátis prétio cæli tenet jura.
Scala cælo próminens fratri revelátur, per quam Pater tránsiens sursum ferebátur.
Linguæ, manus stúdio scalam hanc eréxit, uam Virgo cum Filio Mater sursum vexit.
Fulget in choro vírginum doctor veritátis, sertum honóris géminum gerens cum beátis,

[Capitulum Laudes]
!Eccli. 50:6-7
v. Quasi stella matutína in médio nébulæ, et quasi luna plena in diébus suis lucet: et quasi sol refúlgens, sic ille effúlsit in templo Dei.
$Deo gratias

[Hymnus Laudes]
Hymnum novæ lætítiæ
Dulci prodúctum cántico,
Noster deprómat hódie
Chorus sancto Domínico.
_
Vergénte mundi véspere,
Novum sidus exóritur,
Et clausis culpæ cárcere
Præco salútis míttitur.
_
Doctrínam evangélicam
Spargens per orbis cárdinem,
Pestem fugat hæréticam,
Novum prodúcens Ordinem.
_
Hic est fons ille módicus,
Crescens in flumen máximum,
Qui mundo jam miríficus
Potum largítur óptimum.
_
Trino Deo et símplici
Laus, honor, virtus, glória,
Qui nos prece Domínici
Ducat ad cæli gáudia.
Amen.

[Ant 2]
Carnis viror, mentis martýrium, mundum replens linguæ præcónium, pauper Christi, post cursus státium, vitæ tibi mercántur pr<sp>'ae</sp>mium.

[Responsory Breve Tertia]
R.br. Amávit eum Dóminus et ornávit eum, * Allelúja, allelúja.
R. Amávit eum Dóminus et ornávit eum, * Allelúja, allelúja.
V. Stolam glóriæ índuit eum.
R. Allelúja, allelúja.
&Gloria
R. Amávit eum Dóminus et ornávit eum, * Allelúja, allelúja.

[Versum Tertia]
@Commune/C4:Versum 2

[Capitulum Sexta]
!Is 59:21
v. Spíritus meus, qui est in te, et verba mea quæ pósui in ore tuo, non recédent de ore tuo et de ore séminis tui, dicit Dóminus, ámodo et usque in sempitérnum.
$Deo gratias

[Responsory Sexta]
R.br. Justum dedúxit Dóminus per vias rectas, * Allelúja, allelúja.
R. Justum dedúxit Dóminus per vias rectas, * Allelúja, allelúja.
V. Et osténdit illi regnum Dei.
R. Allelúja, allelúja.
&Gloria
R. Justum dedúxit Dóminus per vias rectas, * Allelúja, allelúja.
_
@Commune/C2:Versum 2

[Capitulum Nona]
!Mal 2:6
v. Lex veritátis fuit in ore ejus, et iníquitas non est invénta in lábiis ejus: in pace et in æquitáte ambulávit mecum, et multos avértit ab iniquitáte.

[Responsory Nona]
R.br. Justus ut palma florébit in domo Dómini, * Allelúja, allelúja.
R. Justus ut palma florébit in domo Dómini, * Allelúja, allelúja.
V. Sicut cedrus Líbani multiplicábitur.
R. Allelúja, allelúja.
&Gloria
R. Justus ut palma florébit in domo Dómini, * Allelúja, allelúja.
_
V. Justus germinábit sicut lílium:
R. Et florébit in ætérnum ante Dóminum.

[Ant Vespera 3]
@:Ant Laudes:1 s/$/;;109;111;112;115;125/

[Versum 3]
@:Versum 1

[Ant 3]
O lumen Ecclésiæ, Doctor veritátis, Rosa patiéntiæ, Ebur castitátis, Aquam sapiéntiæ propinásti gratis : Prædicátor grátiæ, nos junge beátis.