[Lectio1]
De Parábolis Salomónis
!Prov 10:1-5
1 Fílius sápiens lætíficat patrem, fílius vero stultus mæstítia est matris suæ. 
2 Nihil próderunt thesáuri impietátis, justítia vero liberábit a morte. 
3 Non afflíget Dóminus fame ánimam justi, et insídias impiórum subvértet.  
4 Egestátem operáta est manus remíssa, manus autem fórtium divítias parat. Qui nítitur mendáciis, hic pascit ventos, idem autem ipse séquitur aves volántes. 
5 Qui cóngregat in messe, fílius sápiens est; qui autem stertit æstáte, fílius confusiónis.

[Responsory1]
@Tempora/081-0:Responsory1

[Lectio2]
!Prov 10:6-10
6 Benedíctio Dómini super caput justi, os autem impiórum óperit iníquitas. 
7 Memória justi cum láudibus, et nomen impiórum putréscet. 
8 Sápiens corde præcépta súscipit, stultus cǽditur lábiis. 
9 Qui ámbulat simplíciter, ámbulat confidénter; qui autem deprávat vias suas, maniféstus erit. 
10 Qui ánnuit óculo dabit dolórem, et stultus lábiis verberábitur.

[Responsory2]
@Tempora/081-0:Responsory2

[Lectio3]
!Prov 10:11-16
11 Vena vitæ os justi, et os impiórum óperit iniquitátem. 
12 Odium súscitat rixas, et univérsa delícta óperit cáritas. 
13 In lábiis sapiéntis invenítur sapiéntia, et virga in dorso ejus qui índiget corde.  
14 Sapiéntes abscóndunt sciéntiam, os autem stulti confusióni próximum est. 
15 Substántia dívitis urbs fortitúdinis ejus, pavor páuperum egéstas eórum. 
16 Opus justi ad vitam, fructus autem ímpii ad peccátum.

[Responsory3]
@Tempora/081-0:Responsory3