[Lectio1]
De libro Ecclesiástici
!Sir 1:22-26
22 Coróna sapiéntiæ timor Dómini, replens pacem et salútis fructum; 
23 et vidit et dinumerávit eam: útraque autem sunt dona Dei. 
24 Sciéntiam et intelléctum prudéntiæ sapiéntia compartiétur et glóriam tenéntium se exáltat. 
25 Radix sapiéntiæ est timére Dóminum, et rami illíus longǽvi. 
26 In thesáuris sapiéntiæ intelléctus et sciéntiæ religiósitas, exsecrátio autem peccatóribus sapiéntia.

[Responsory1]
@Tempora/081-1:Responsory1

[Lectio2]
!Sir 1:27-33
27 Timor Dómini expéllit peccátum; 
28 nam qui sine timóre est non póterit justificári; iracúndia enim animositátis illíus subvérsio illíus est. 
29 Usque in tempus sustinébit pátiens, et póstea reddítio jucunditátis. 
30 Bonus sensus usque in tempus abscóndet verba illíus, et lábia multórum enarrábunt sensum illíus. 
31 In thesáuris sapiéntiæ significátio disciplínæ, 
32 exsecrátio autem peccatóri cultúra Dei.
33 Fili, concupíscens sapiéntiam consérva justítiam, et Deus præbébit illam tibi.

[Responsory2]
@Tempora/081-1:Responsory2

[Lectio3]
!Sir 1:34-40
34 Sapiéntia enim et disciplína timor Dómini, et quod beneplácitum est illi,
35 fides et mansuetúdo, et adimplébit thesáuros illíus. 
36 Ne sis incredíbilis timóri Dómini, et ne accésseris ad illum dúplici corde. 
37 Ne fúeris hypócrita in conspéctu hóminum et non scandalizéris in lábiis tuis. 
38 Atténde in illis, ne forte cadas et addúcas ánimæ tuæ inhonoratiónem, 
39 et revélet Deus abscónsa tua et in médio synagógæ elídat te; 
40 quóniam accessísti malígne ad Dóminum, et cor tuum plenum est dolo et fallácia.

[Responsory3]
@Tempora/081-1:Responsory3