[Lectio1]
De libro Ecclesiástici
!Sir 2:1-3
1 Fili, accédens ad servitútem Dei sta in justítia et timóre, et prǽpara ánimam tuam ad tentatiónem.
2 Déprime cor tuum et sústine, inclína aurem tuam et súscipe verba intelléctus et ne festínes in témpore obductiónis. 
3 Sústine sustentatiónes Dei, conjúngere Deo et sústine, ut crescat in novíssimo vita tua.

[Responsory1]
@Tempora/081-2:Responsory1

[Lectio2]
!Sir 2:4-6
4 Omne quod tibi applícitum fúerit áccipe et in dolóre sústine et in humilitáte tua patiéntiam habe; 
5 quóniam in igne probátur aurum et argéntum, hómines vero receptíbiles in camíno humiliatiónis. 
6 Crede Deo, et recuperábit te, et dírige viam tuam et spera in illum: serva timórem illíus et in illo veterásce.

[Responsory2]
@Tempora/081-0:Responsory5

[Lectio3]
!Sir 2:7-12
7 Metuéntes Dóminum, sustinéte misericórdiam ejus et non deflectátis ab illo, ne cadátis.
8 Qui timétis Dóminum, crédite illi, et non evacuábitur merces vestra. 
9 Qui timétis Dóminum, speráte in illum, et in oblectatiónem véniet vobis misericórdia.  
10 Qui timétis Dóminum dilígite illum, et illuminabúntur corda vestra. 
11 Respícite, fílii, natiónes hóminum et scitóte quia nullus sperávit in Dómino et confúsus est. 
12 Quis enim permánsit in mandátis ejus et derelíctus est? aut quis invocávit eum, et despéxit illum?

[Responsory3]
@Tempora/081-0:Responsory6