[Lectio1]
De libro Ecclesiástici
!Sir 3:1-4
1 Fílii sapiéntiæ ecclésia justórum, et nátio illórum obediéntia et diléctio. 
2 Judícium patris audíte, fílii, et sic fácite ut salvi sitis. 
3 Deus enim honorávit patrem in fíliis, et judícium matris exquírens firmávit in fílios.  
4 Qui díligit Deum exorábit pro peccátis et continébit se ab illis et in oratióne diérum exaudiétur.

[Responsory1]
@Tempora/081-0:Responsory7

[Lectio2]
!Sir 3:5-8
5 Et, sicut qui thesaurízat, ita et qui honoríficat matrem suam; 
6 qui honórat patrem suum jucundábitur in fíliis et in die oratiónis suæ exaudiétur. 
7 Qui honórat patrem suum vita vivet longióre, et qui obédit patri refrigerábit matrem. 
8 Qui timet Dóminum honórat paréntes, et quasi dóminis sérviet his qui se genuérunt.

[Responsory2]
@Tempora/081-1:Responsory2

[Lectio3]
!Sir 3:9-13
9 In ópere, et sermóne, et omni patiéntia, honóra patrem tuum, 
10 ut supervéniat tibi benedíctio ab eo, et benedíctio illíus in novíssimo máneat.  
11 Benedíctio patris firmat domos filiórum, maledíctio autem matris eradícat fundaménta. 
12 Ne gloriéris in contumélia patris tui, non enim est tibi glória ejus confúsio. 
13 Glória enim hóminis ex honóre patris sui, et dédecus fílii pater sine honóre.

[Responsory3]
@Tempora/081-1:Responsory3