[Lectio1]
De libro Ecclesiástici
!Sir 32:1-5
1 Rectórem te posuérunt? noli extólli: esto in illis quasi unus ex ipsis. 
2 Curam illórum habe, et sic consíde, et omni cura tua explícita recúmbe:
3 ut lætéris propter illos et ornaméntum grátiæ accípias corónam, et dignatiónem consequáris corrogatiónis. 
4 Lóquere, major natu; decet enim te
5 primum verbum diligénti sciéntia, et non impédias músicam.

[Responsory1]
@Tempora/081-0:Responsory7

[Lectio2]
!Sir 32:6-11
6 Ubi audítus non est, non effúndas sermónem, et importúne noli extólli in sapiéntia tua. 
7 Gémmula carbúnculi in ornaménto auri, et comparátio musicórum in convívio vini;
8 sicut in fabricatióne auri signum est smarágdi, sic númerus musicórum in jucúndo et moderáto vino.
9 Audi tacens, et pro reveréntia accédet tibi bona grátia. 
10 Adoléscens, lóquere in tua causa vix.
11 Si bis interrogátus fúeris, hábeat caput respónsum tuum.

[Responsory2]
@Tempora/081-1:Responsory2

[Lectio3]
!Sir 32:12-17
12 In multis esto quasi ínscius, et audi tacens simul et quærens. 
13 In médio magnatórum non præsúmas et, ubi sunt senes, non multum loquáris. 
14 Ante grándinem præíbit coruscátio, et ante verecúndiam præíbit grátia et pro reveréntia accédet tibi bona grátia.
15 Et hora surgéndi non te trices: præcúrre autem prior in domum tuam, et illic avocáre, et illic lude, 
16 et age conceptiónes tuas et non in delíctis et verbo supérbo;
17 et super his ómnibus benedícito Dóminum, qui fecit te, et inebriántem te ab ómnibus bonis suis.

[Responsory3]
@Tempora/081-1:Responsory3