[Lectio1]
De libro Job
!Job 38:1-7
1 Respóndens autem Dóminus Job de túrbine, dixit: 
2 Quis est iste invólvens senténtias sermónibus imperítis?
3 Accínge, sicut vir, lumbos tuos; interrogábo te et respónde mihi. 
4 Ubi eras quando ponébam fundaménta terræ? Indica mihi, si habes intellegéntiam. 
5 Quis pósuit mensúras ejus, si nosti? vel quis teténdit super eam líneam?
6 Super quo bases illíus solidátæ sunt? aut quis demísit lápidem angulárem ejus, 
7 cum me laudárent simul astra matutína, et jubilárent omnes fílii Dei?

[Responsory1]
@Tempora/091-0:Responsory1

[Lectio2]
!Job 38:8-13
8 Quis conclúsit óstiis mare, quando erumpébat quasi de vulva procédens, 
9 cum pónerem nubem vestiméntum ejus, et calígine illud, quasi pannis infántiæ, obvólverem? 
10 Circúmdedi illud términis meis, et pósui vectem et óstia, 
11 et dixi: Usque huc vénies, et non procédes ámplius, et hic confrínges tuméntes fluctus tuos. 
12 Numquid post ortum tuum præcepísti dilúculo, et ostendísti auróræ locum suum? 
13 Et tenuísti concútiens extréma terræ, et excussísti ímpios ex ea?

[Responsory2]
@Tempora/091-0:Responsory2

[Lectio3]
!Job 38:14-20
14 Restituétur ut lutum signáculum, et stabit sicut vestiméntum: 
15 auferétur ab ímpiis lux sua, et brácchium excélsum confringétur? 
16 Numquid ingréssus es profúnda maris, et in novíssimis abýssi deambulásti?
17 Numquid apértæ sunt tibi portæ mortis, et óstia tenebrósa vidísti? 
18 Numquid considerásti latitúdinem terræ? Indica mihi, si nosti, ómnia: 
19 in qua via lux hábitet, et tenebrárum quis locus sit; 
20 ut ducas unumquódque ad términos suos, et intéllegas sémitas domus ejus.

[Responsory3]
@Tempora/091-0:Responsory3