[Lectio1]
De libro Judith
!Jdt 8:1-4
1 Et factum est, cum audísset hæc verba, quæ erat fília Merári, fílii Idox, fílii Joseph, fílii Ozíæ, fílii Elai, fílii Jammor, fílii Gédeon, fílii Ráphaim, fílii Achitob, fílii Melchíæ, fílii Enan, fílii Nathaníæ, fílii Saláthiel, fílii Símeon, fílii Ruben, 
2 et vir ejus fuit Manásses, qui mórtuus est in diébus messis hordeáceæ;
3 instábat enim super alligántes manípulos in campo, et venit æstus super caput ejus, et mórtuus est in Bethúlia civitáte sua et sepúltus est illic cum pátribus suis. 
4 Erat autem Judith relícta ejus vídua jam annis tribus et ménsibus sex.

[Responsory1]
@Tempora/094-0:Responsory4

[Lectio2]
!Jdt 8:5-8
5 Et in superióribus domus suæ fecit sibi secrétum cubículum, in quo cum puéllis suis clausa morabátur. 
6 Et habens super lumbos suos cilícium, jejunábat ómnibus diébus vitæ suæ præter sábbata et neoménias et festa domus Israël. 
7 Erat autem elegánti aspéctu nimis; cui vir suus relíquerat divítias multas et famíliam copiósam ac possessiónes arméntis boum et grégibus óvium plenas. 
8 Et erat hæc in ómnibus famosíssima, quóniam timébat Dóminum valde, nec erat qui loquerétur de illa verbum malum.

[Responsory2]
@Tempora/094-0:Responsory5

[Lectio3]
!Jdt 8:9-11
9 Hæc ítaque, cum audísset quóniam Ozías promisísset quod, transácto quinto die, tráderet civitátem, misit ad presbýteros Chabri et Charmi. 
10 Et venérunt ad illam, et dixit illis: Quod est hoc verbum, in quo consénsit Ozías, ut tradat civitátem Assýriis, si intra quinque dies non vénerit vobis adjutórium? 
11 Et qui estis vos, qui tentátis Dóminum?

[Responsory3]
@Tempora/094-0:Responsory6