[Lectio1Tridentina]
De libro secúndo Machabæórum
!2 Mac 7:7-12
7 Mórtuo ítaque illo primo hoc modo, sequéntem deducébant ad illudéndum: et, cute cápitis ejus cum capíllis abstrácta, interrogábant, si manducáret prius quam toto córpore per membra síngula punirétur. 
8 At ille respóndens pátria voce, dixit: Non fáciam. Propter quod et iste, sequénti loco, primi torménta suscépit:
9 et in último spíritu constitútus, sic ait: Tu quidem, scelestíssime, in præsénti vita nos perdis: sed Rex mundi defúnctos nos pro suis légibus in ætérnæ vitæ resurrectióne suscitábit. 
10 Post hunc tértius illúditur, et linguam postulátus cito prótulit, et manus constánter exténdit:
11 et cum fidúcia ait: E cælo ista possídeo, sed propter Dei leges nunc hæc ipsa despício, quóniam ab ipso me ea receptúrum spero;
12 ita ut rex, et qui cum ipso erant, miraréntur adolescéntis ánimum, quod tamquam níhilum dúceret cruciátus.

[Lectio1]
@Tempora/105-0
(sed rubrica tridentina)
@Tempora/105-1:Lectio1Tridentina

[Responsory1]
@Tempora/101-1:Responsory1

[Lectio2Tridentina]
!2 Mac 7:13-19
13 Et hoc ita defúncto, quartum vexábant simíliter torquéntes; 
14 et, cum jam esset ad mortem, sic ait: Pótius est ab homínibus morti datos spem exspectáre a Deo, íterum ab ipso resuscitándos: tibi enim resurréctio ad vitam non erit. 
15 Et, cum admovíssent quintum, vexábant eum. At ille respíciens in eum, 
16 dixit: Potestátem inter hómines habens, cum sis corruptíbilis, facis quod vis: noli autem putáre genus nostrum a Deo esse derelíctum. 
17 Tu autem patiénter sústine, et vidébis magnam potestátem ipsíus, quáliter te et semen tuum torquébit. 
18 Post hunc ducébant sextum, et is, mori incípiens, sic ait: Noli frustra erráre; nos enim propter nosmetípsos hæc pátimur, peccántes in Deum nostrum, et digna admiratióne facta sunt in nobis. 
19 Tu autem ne exístimes tibi impúne futúrum, quod contra Deum pugnáre tentáveris.

[Lectio2]
@Tempora/105-0
(sed rubrica tridentina)
@Tempora/105-1:Lectio2Tridentina

[Responsory2]
@Tempora/101-1:Responsory2

[Lectio3Tridentina]
!2 Mac 7:20-23
20 Supra modum autem mater mirábilis, et bonórum memória digna, quæ pereúntes septem fílios sub uníus diéi témpore conspíciens, bono ánimo ferébat propter spem quam in Deum habébat;
21 síngulos illórum hortabátur voce pátria fórtiter, repléta sapiéntia: et femíneæ cogitatióni masculínum ánimum ínserens,
22 dixit ad eos: Néscio quáliter in útero meo apparuístis, neque enim ego spíritum et ánimam donávi vobis et vitam et singulórum membra non ego ipsa compégi; 
23 sed enim mundi Creátor, qui formávit hóminis nativitátem, quique ómnium invénit oríginem, et spíritum vobis íterum cum misericórdia reddet et vitam, sicut nunc vosmetípsos despícitis propter leges ejus.

[Lectio3]
@Tempora/105-0
(sed rubrica tridentina)
@Tempora/105-1:Lectio3Tridentina

[Responsory3]
@Tempora/101-1:Responsory3