[Lectio1]
De Daniéle Prophéta
!Dan 4:16-19
16 Respóndit Baltássar, et dixit: Dómine mi, sómnium his, qui te odérunt, et interpretátio ejus hóstibus tuis sit. 
17 Arborem, quam vidísti sublímem atque robústam, cujus altitúdo pertíngit ad cælum, et aspéctus illíus in omnem terram, 
18 et rami ejus pulchérrimi, et fructus ejus nímius, et esca ómnium in ea, subter eam habitántes béstiæ agri, et in ramis ejus commorántes aves cæli, 
19 tu es, rex, qui magnificátus es, et invaluísti, et magnitúdo tua crevit, et pervénit usque ad cælum, et potéstas tua in términos univérsæ terræ.

[Responsory1]
@Tempora/111-3:Responsory1

[Lectio2]
!Dan 4:20-22
20 Quod autem vidit rex vígilem, et sanctum descéndere de cælo, et dícere: Succídite árborem, et dissipáte illam, áttamen germen radícum ejus in terra dimíttite, et vinciátur ferro et ære in herbis foris, et rore cæli conspergátur, et cum feris sit pábulum ejus, donec septem témpora muténtur super eum, 
21 hæc est interpretátio senténtiæ Altíssimi, quæ pervénit super dóminum meum regem: 
22 Eícient te ab homínibus, et cum béstiis ferísque erit habitátio tua, et fœnum ut bos cómedes, et rore cæli infundéris.

[Responsory2]
@Tempora/111-1:Responsory2

[Lectio3]
!Dan 4:22-25
22 Septem quoque témpora mutabúntur super te, donec scias quod dominétur Excélsus super regnum hóminum, et cuicúmque volúerit, det illud. 
23 Quod autem præcépit ut relinquerétur germen radícum ejus, id est árboris: regnum tuum tibi manébit, postquam cognóveris potestátem esse cæléstem. 
24 Quam ob rem, rex, consílium meum pláceat tibi, et peccáta tua eleemósynis rédime, et iniquitátes tuas misericórdiis páuperum; fórsitan ignóscet delíctis tuis. 
25 Omnia hæc venérunt super Nabuchodónosor regem.

[Responsory3]
@Tempora/111-1:Responsory3