[Lectio1]
De Joéle Prophéta
!Joël 3:1-3
1 Quia ecce in diébus illis, et in témpore illo, cum convértero captivitátem Juda et Jerúsalem,
2 congregábo omnes gentes, et dedúcam eas in vallem Jósaphat; et disceptábo cum eis ibi super pópulo meo, et hæreditáte mea Israël, quos dispersérunt in natiónibus, et terram meam divisérunt.
3 Et super pópulum meum misérunt sortem; et posuérunt púerum in prostíbulo, et puéllam vendidérunt pro vino ut bíberent.

[Responsory1]
@Tempora/111-3:Responsory1

[Lectio2]
!Joël 3:4-7
4 Verum quid mihi et vobis, Tyrus et Sidon, et omnis términus Palæstinórum? numquid ultiónem vos reddétis mihi? et si ulciscímini vos contra me, cito velóciter reddam vicissitúdinem vobis super caput vestrum.
5 Argéntum enim meum et aurum tulístis, et desiderabília mea et pulchérrima intulístis in delúbra vestra.
6 Et fílios Juda et fílios Jerúsalem vendidístis fíliis Græcórum, ut longe facerétis eos de fínibus suis.
7 Ecce ego suscitábo eos de loco in quo vendidístis eos, et convértam retributiónem vestram in caput vestrum.

[Responsory2]
@Tempora/111-1:Responsory2

[Lectio3]
!Joël 3:8-12
8 Et vendam fílios vestros et fílias vestras in mánibus filiórum Juda, et venúndabunt eos Sabǽis, genti longínquæ, quia Dóminus locútus est.
9 Clamáte hoc in géntibus, sanctificáte bellum, suscitáte robústos: accédant, ascéndant omnes viri bellatóres.
10 Concídite arátra vestra in gládios, et ligónes vestros in lánceas. Infírmus dicat: Quia fortis ego sum.
11 Erúmpite, et veníte, omnes gentes de circúitu, et congregámini; ibi occúmbere fáciet Dóminus robústos tuos.
12 Consúrgant, et ascéndant gentes in vallem Iósaphat, quia ibi sedébo ut iúdicem omnes gentes in circúitu.

[Responsory3]
@Tempora/111-1:Responsory3