[Lectio1]
Incipit Abdías Prophéta
!Abd 1:1-4
1 Vísio Abdíæ. Hæc dicit Dóminus Deus ad Edom: Audítum audívimus a Dómino, et legátum ad gentes misit: súrgite, et consurgámus advérsus eum in prǽlium.
2 Ecce párvulum dedi te in géntibus: contemptíbilis tu es valde.
3 Supérbia cordis tui éxtulit te, habitántem in scissúris petrárum, exaltántem sólium tuum; qui dicis in corde tuo: Quis détrahet me in terram?
4 Si exaltátus fúeris ut áquila, et si inter sídera posúeris nidum tuum, inde détraham te, dicit Dóminus.

[Responsory1]
@Tempora/111-0:Responsory4

[Lectio2]
!Abd 1:5-7
5 Si fures introíssent ad te, si latrónes per noctem, quómodo conticuísses? nonne furáti essent sufficiéntia sibi? Si vindemiatóres introíssent ad te, numquid saltem racémum reliquíssent tibi?
6 Quómodo scrutáti sunt Esau; investigavérunt abscóndita ejus?
7 Usque ad términum emisérunt te: omnes viri fœ́deris tui illusérunt tibi: invaluérunt advérsum te viri pacis tuæ, qui cómedunt tecum, ponent insídias subter te; non est prudéntia in eo.

[Responsory2]
@Tempora/111-0:Responsory5

[Lectio3]
!Abd 1:8-11
8 Numquid non in die illa, dicit Dóminus, perdam sapiéntes de Idumǽa, et prudéntiam de monte Esau?
9 Et timébunt fortes tui a merídie, ut intéreat vir de monte Esau.
10 Propter interfectiónem, et propter iniquitátem in fratrem tuum Jacob, opériet te confúsio, et períbis in ætérnum.
11 In die cum stares advérsus eum, quando capiébant aliéni exércitum ejus, et extránei ingrediebántur portas ejus, et super Jerúsalem mittébant sortem, tu quoque eras quasi unus ex eis.

[Responsory3]
@Tempora/111-0:Responsory6