[Rank]
Feria Tertia infra Hebdomadam I post Octavam Paschæ;;Feria;;1

[Rule]
Oratio Dominica
Una Antiphona
Feria Te Deum

[Lectio1]
De Actibus Apostolórum
!Act. 2:1-8
1 Et cum compleréntur dies Pentecóstes, erant omnes páriter in eódem loco:
2 et factus est repénte de cælo sonus, tamquam adveniéntis spíritus veheméntis, et replévit totam domum ubi erant sedéntes.
3 Et apparuérunt illis dispertítæ linguæ tamquam ignis, sedítque supra síngulos eórum:
4 et repléti sunt omnes Spíritu Sancto, et cœpérunt loqui váriis linguis, prout Spíritus Sanctus dabat éloqui illis.
5 Erant autem in Jerúsalem habitántes Judǽi, viri religiósi ex omni natióne quæ sub cælo est.
6 Facta autem hac voce, convénit multitúdo, et mente confúsa est, quóniam audiébat unusquísque lingua sua illos loquéntes.
7 Stupébant autem omnes, et mirabántur, dicéntes: Nonne ecce omnes isti qui loquúntur, Galilǽi sunt?
8 et quómodo nos audívimus unusquísque linguam nostram in qua nati sumus?

[Responsory1]
@Tempora/Pasc0-3:Responsory2

[Lectio2]
!Act. 2:14-21
14 Stans autem Petrus cum úndecim, levávit vocem suam, et locútus est eis: Viri Judǽi, et qui habitátis Jerúsalem univérsi, hoc vobis notum sit, et áuribus percípite verba mea.
15 Non enim, sicut vos æstimátis, hi ébrii sunt, cum sit hora diéi tértia:
16 sed hoc est quod dictum est per prophétam Joël:
17 Et erit in novíssimis diébus, dicit Dóminus, effúndam de Spíritu meo super omnem carnem: et prophetábunt fílii vestri et fíliæ vestræ, et iúvenes vestri visiónes vidébunt, et senióres vestri sómnia somniábunt.
18 Et quidem super servos meos, et super ancíllas meas, in diébus illis effúndam de Spíritu meo, et prophetábunt:
19 et dabo prodígia in cælo sursum, et signa in terra deórsum, sánguinem, et ignem, et vapórem fumi:
20 sol convertétur in ténebras, et luna in sánguinem, ántequam véniat dies Dómini magnus et maniféstus.
21 Et erit: omnis quicúmque invocáverit nomen Dómini, salvus erit.

[Responsory2]
@Tempora/Pasc0-5:Responsory1

[Lectio3]
!Act. 2:22-27
22 Viri Israëlítæ, audíte verba hæc: Jesum Nazarénum, virum approbátum a Deo in vobis, virtútibus, et prodígiis, et signis, quæ fecit Deus per illum in médio vestri, sicut et vos scitis:
23 hunc, definíto consílio et præsciéntia Dei tráditum, per manus iniquórum affligéntes interemístis:
24 quem Deus suscitávit, solútis dolóribus inférni, juxta quod impossíbile erat tenéri illum ab eo.
25 David enim dicit in eum: Providébam Dóminum in conspéctu meo semper: quóniam a dextris est mihi, ne commóvear:
26 propter hoc lætátum est cor meum, et exsultávit lingua mea, ínsuper et caro mea requiéscet in spe:
27 quóniam non derelínques ánimam meam in inférno, nec dabis sanctum tuum vidére corruptiónem.

[Responsory3]
@Tempora/Pasc0-5:Responsory2

[Ant 2]
Præcédam vos * in Galilǽam, ibi me vidébitis, sicut dixi vobis, allelúja, allelúja.

[Ant 3]
Mitte manum tuam, * et cognósce loca clavórum, allelúja: et noli esse incrédulus, sed fidélis, allelúja.