[Rank]
Feria Quarta in Rogationibus in Vigilia Ascensionis;;Vigilia;;1.5

[Rank](rubrica 196 aut rubrica innovata)
In Vigilia Ascensionis;;Feria;;5

[Rule]
Oratio Dominica
Una Antiphona
Feria Te Deum
Laudes Litania
No prima vespera

[Lectio1]
Léctio sancti Evangélii secúndum Joánnem
!Joannes 17:1-11
In illo témpore: Sublevátis Jesus óculis in cælum, dixit: Pater, venit hora, clarífica Fílium tuum. Et réliqua.
_
Homilía sancti Augustíni Epíscopi
!Tractatus 104 in Joannem, sub med.
Póterat Dóminus noster, unigénitus et coætérnus Patri, in forma servi, et ex forma servi, si hoc opus esset, oráre siléntio: sed ita se Patri exhibére vóluit precatórem, ut meminísset nostrum se esse doctórem. Proínde eam, quam fecit oratiónem pro nobis, notam fecit et nobis: quóniam tanti magístri non solum ad ipsos sermocinátio, sed étiam pro ipsis ad Patrem orátio, discipulórum est ædificátio: et si illórum, qui hæc dicta áderant auditúri, profécto et nostra, qui fuerámus conscrípta lectúri.

[Responsory1]
@Tempora/Pasc4-0:Responsory7

[Lectio2]
Quaprópter hoc quod ait: Pater, venit hora, clarífica Fílium tuum: osténdit, omne tempus, et quid, quando fáceret vel fíeri síneret, ab illo esse dispósitum, qui témpori súbditus non est: quóniam quæ futúra erant per síngula témpora, in Dei sapiéntia causas efficiéntes habent, in qua nulla sunt témpora. Non ergo credátur hæc hora fato urgénte venísse, sed Deo pótius ordinánte. Nec sidérea necéssitas Christi connéxuit passiónem: absit enim ut sídera mori cógerent síderum Conditórem.

[Responsory2]
@Tempora/Pasc4-0:Responsory8

[Lectio3]
Clarificátum a Patre Fílium nonnúlli accípiunt in hoc, quod ei non pepércit, sed pro nobis ómnibus trádidit eum. Sed si passióne clarificátus dícitur, quanto magis resurrectióne? Nam in passióne magis ejus humílitas quam cláritas commendátur, Apóstolo teste, qui dicit: Humiliávit semetípsum, factus obédiens usque ad mortem, mortem autem crucis. Deínde séquitur, et de ejus clarificatióne jam dicit: Propter quod et Deus illum exaltávit, et donávit ei nomen, quod est super omne nomen: ut in nómine Jesu omne genu flectátur, cæléstium, terréstrium, et infernórum. Et omnis lingua confiteátur, quia Dóminus Jesus Christus in glória est Dei Patris. Hæc est clarificátio Dómini nostri Jesu Christi, quæ ab ejus resurrectióne sumpsit exórdium.

[Responsory3]
@Tempora/Pasc4-1:Responsory1
&Gloria
R. A Dómino, allelúja, allelúja.

[Ant 2]
Pater, venit hora, * clarífica Fílium tuum claritáte quam hábui, priúsquam mundus esset, apud te, allelúja.

[Oratio 2]
@Tempora/Pasc5-0:Oratio