[Rank]
Dominica Pentecostes;;Duplex I Classis cum Octava privilegiata I ordinis;;7

[Rule]
1 Nocturn
Psalmi Dominica;
Antiphonas horas
Hymnus Tertia
Prima=53

[Ant Vespera]
Cum compleréntur * dies Pentecóstes, erant omnes páriter in eódem loco, allelúja.
Spíritus Dómini * replévit orbem terrárum, allelúja.
Repléti sunt omnes * Spíritu Sancto, et cœpérunt loqui, allelúja, allelúja.
Fontes, et ómnia * quæ movéntur in aquis, hymnum dícite Deo, allelúja.
Loquebántur * váriis linguis Apóstoli magnália Dei, allelúja, allelúja, allelúja.;;116

[HymnusM Vespera]
@:Hymnus Vespera:s/díceris Paráclitus/Paráclitus díceris/ s/Altíssimi donum Dei/Donum Dei Altíssimi/ s/Dígitus patérnæ déxteræ/Dextræ Dei tu dígitus/ s/Teque/Te/

[Hymnus Vespera]
!Prima stropha hymni sequentis dicitur flexibus genibus.
v. Veni, Creátor Spíritus,
Mentes tuórum vísita,
Imple supérna grátia,
Quæ tu creásti péctora.
_
Qui díceris Paráclitus,
Altíssimi donum Dei,
Fons vivus, ignis, cáritas,
Et spiritális únctio.
_
Tu septifórmis múnere,
Dígitus patérnæ déxteræ,
Tu rite promíssum Patris,
Sermóne ditans gúttura.
_
Accénde lumen sénsibus:
Infúnde amórem córdibus:
Infírma nostri córporis
Virtúte firmans pérpeti.
_
Hostem repéllas lóngius,
Pacémque dones prótinus:
Ductóre sic te prǽvio
Vitémus omne nóxium.
_
Per te sciámus da Patrem,
Noscámus atque Fílium,
Teque utriúsque Spíritum
Credámus omni témpore.
_
* Deo Patri sit glória,
Et Fílio, qui a mórtuis
Surréxit, ac Paráclito,
In sæculórum sǽcula.
Amen.

[Versum 1]
V. Repléti sunt omnes Spíritu Sancto, allelúja.
R. Et cœpérunt loqui, allelúja.

[Ant 1]
Non vos relínquam * órphanos, allelúja: vado et vénio ad vos, allelúja: et gaudébit cor vestrum, allelúja.

[Oratio]
Deus, qui hodiérna die corda fidélium Sancti Spíritus illustratióne docuísti: da nobis in eódem Spíritu recta sápere; et de ejus semper consolatióne gaudére.
$Per Dominum eiusdem

[Invit]
Allelúja, Spíritus Dómini replévit orbem terrárum: * Veníte, adorémus, allelúja.

[HymnusM Matutinum]
v. Jam Christus astra ascénderat,
Revérsus unde vénerat,
Promíssum Patris múnere,
Sanctum datúrus Spíritum.
_
Solémnis urgébat dies,
Quo mýstico septémplici
Orbis volútus sépties,
Signat beáta témpora.
_
Cum lucis hora tértia
Repénte mundus íntonat,
Orántibus Apóstolis
Deum venísse núntiat.
_
De Patris ergo lúmine
Decórus ignis almus est,
Qui fida Christi péctora
Calóre Verbi cómpleat.
_
Impléta gaudent víscera,
Affláta Sancto Spíritu,
Vocésque divérsas íntonant,
Fantur Dei magnália.
_
Ex omni gente cógniti,
Græcis, Latínis, Bárbaris,
Cunctísque admirántibus,
Linguis loquúntur ómnium.
_
Judǽa tunc incrédula,
Vesána torvo spíritu,
Ructáre musti crápulam,
Alúmnos Christi cóncrepat.
_
Sed signis et virtútibus
Occúrrit, et docet Petrus,
Falsa profári pérfidos,
Joéle teste cómprobans.
_
Glória Patri Dómino,
Natóque, qui a mórtuis
Surréxit, ac Paráclito,
In sæculórum sǽcula.
Amen.

[Hymnus Matutinum]
{:H-JamChristus astra:}v. Jam Christus astra ascénderat,
Revérsus unde vénerat,
Patris fruéndum múnere,
Sanctum datúrus Spíritum.
_
Solémnis urgébat dies,
Quo mýstico septémplici
Orbis volútus sépties,
Signat beáta témpora.
_
Cum lucis hora tértia
Repénte mundus íntonat,
Apóstolis orántibus
Deum veníre núntiat.
_
De Patris ergo lúmine
Decórus ignis almus est,
Qui fida Christi péctora
Calóre Verbi cómpleat.
_
Impléta gaudent víscera,
Affláta Sancto Spíritu,
Vocésque divérsas sonant,
Fantur Dei magnália.
_
Notíque cunctis Géntibus,
Græcis, Latínis, Bárbaris,
Simúlque demirántibus,
Linguis loquúntur ómnium.
_
Judǽa tunc incrédula,
Vesána torvo spíritu,
Madére musto sóbrios
Christi fidéles íncrepat.
_
Sed éditis miráculis
Occúrrit, et docet Petrus,
Falsum profári pérfidos,
Joéle teste cómprobans.
_
Deo Patri sit glória,
Et Fílio, qui a mórtuis
Surréxit, ac Paráclito,
In sæculórum sǽcula.
Amen.

[Ant Matutinum]
Factus est * repénte de cælo sonus adveniéntis spíritus veheméntis, allelúja, allelúja.;;47
Confírma hoc, Deus, * quod operátus es in nobis: a templo sancto tuo, quod est in Jerúsalem, allelúja, allelúja.;;67
Emítte Spíritum tuum, * et creabúntur: et renovábis fáciem terræ, allelúja, allelúja.;;103
V. Spíritus Dómini replévit orbem terrárum, allelúja.
R. Et hoc quod cóntinet ómnia, sciéntiam habet vocis, allelúja.

[Lectio1]
Léctio sancti Evangélii secúndum Joánnem
!Joannes 14:23-31
In illo témpore: Dixit Jesus discípulis suis: Si quis díligit me, sermónem meum servábit, et Pater meus díliget eum, et ad eum veniémus, et mansiónem apud eum faciémus. Et réliqua.
_
Homilía sancti Gregórii Papæ
!Homilia 30 in Evangelia
Libet, fratres caríssimi, evangélicæ verba lectiónis sub brevitáte transcúrrere, ut post diútius líceat in contemplatióne tantæ solemnitátis immorári. Hódie namque Spíritus Sanctus repentíno sónitu super discípulos venit, mentésque carnálium in sui amórem permutávit, et foris apparéntibus linguis ígneis, intus facta sunt corda flammántia; quia dum Deum in ignis visióne suscepérunt, per amórem suáviter arsérunt. Ipse namque Spíritus Sanctus amor est: unde et Joánnes dicit Deus cáritas est. Qui ergo mente íntegra Deum desíderat, profécto jam habet, quem amat. Neque enim quisquam posset Deum dilígere, si eum quem díligit, non habéret.

[Responsory1]
R. Cum compleréntur dies Pentecóstes, erant omnes páriter in eódem loco, allelúja: et súbito factus est sonus de cælo, allelúja,
* Tamquam spíritus veheméntis, et replévit totam domum, allelúja, allelúja.
V. Dum ergo essent in unum discípuli congregáti propter metum Judæórum, sonus repénte de cælo, venit super eos.
R. Tamquam spíritus veheméntis, et replévit totam domum, allelúja, allelúja.

[Lectio2]
Sed ecce, si unusquísque vestrum requirátur an díligat Deum: tota fidúcia et secúra mente respóndet, Díligo. In ipso autem lectiónis exórdio audístis quid Véritas dicit: Si quis díligit me, sermónem meum servábit. Probátio ergo dilectiónis, exhibítio est óperis. Hinc in epístola sua idem Joánnes dicit: Qui dicit: Díligo Deum, et mandáta ejus non custódit, mendax est. Vere étenim Deum dilígimus et mandáta ejus custodímus, si nos a nostris voluptátibus coarctámus. Nam qui adhuc per illícita desidéria díffluit, profécto Deum non amat: quia ei in sua voluntáte contradícit.

[Responsory2]
R. Repléti sunt omnes Spíritu Sancto: et cœpérunt loqui, prout Spíritus Sanctus dabat éloqui illis: 
* Et convénit multitúdo dicéntium, allelúja.
V. Loquebántur váriis linguis Apóstoli magnália Dei.
R. Et convénit multitúdo dicéntium, allelúja.
&Gloria
R. Et convénit multitúdo dicéntium, allelúja.

[Lectio3]
Et Pater meus díliget eum, et ad eum veniémus, et mansiónem apud eum faciémus. Pensáte, fratres caríssimi, quanta sit ista dígnitas, habére in cordis hospítio advéntum Dei. Certe, si domum nostram quisquam dives aut prǽpotens amícus intráret, omni festinántia domus tota mundarétur, ne quid fortásse esset, quod óculos amíci intrántis offénderet. Tergat ergo sordes pravi óperis, qui Deo prǽparat domum mentis. Sed vidéte quid Véritas dicat: Veniémus, et mansiónem apud eum faciémus. In quorúmdam étenim corda venit, et mansiónem non facit: quia, per compunctiónem quidem, Dei respéctum percípiunt, sed tentatiónis témpore hoc ipsum quo compúncti fúerant, obliviscúntur; sicque ad perpetránda peccáta rédeunt, ac si hæc mínime planxíssent.
&teDeum

[Ant Laudes]
@:Ant Vespera:s/;.*//

[Capitulum Laudes]
!Act. 2:1-2
v. Cum compleréntur dies Pentecóstes, erant omnes discípuli páriter in eódem loco: et factus est repénte de cælo sonus, tamquam adveniéntis spíritus veheméntis, et replévit totam domum, ubi erant sedéntes.
$Deo gratias

[HymnusM Laudes]
@:Hymnus Laudes:s/Illápsus est Apóstolis/Effúlsit in discípulos/ s/círculo/número/

[Hymnus Laudes]
{:H-Beatanobisgaudia:}v. Beáta nobis gáudia
Anni redúxit órbita,
Cum Spíritus Paráclitus
Illápsus est Apóstolis.
_
Ignis vibránte lúmine
Linguæ figúram détulit,
Verbis ut essent próflui,
Et caritáte férvidi.
_
Linguis loquúntur ómnium;
Turbæ pavent Gentílium,
Musto madére députant
Quos Spíritus repléverat.
_
Patráta sunt hæc mýstice,
Paschæ perácto témpore,
Sacro diérum círculo,
Quo lege fit remíssio.
_
Te nunc, Deus piíssime,
Vultu precámur cérnuo:
Illápsa nobis cǽlitus
Largíre dona Spíritus.
_
Dudum sacráta péctora
Tua replésti grátia:
Dimítte nostra crímina,
Et da quiéta témpora.
_
* Deo Patri sit glória,
Et Fílio, qui a mórtuis
Surréxit, ac Paráclito,
In sæculórum sǽcula.
Amen.

[Versum 2]
@:Versum 1

[Ant 2]
Accípite * Spíritum Sanctum: quorum remiséritis peccáta, remittúntur eis, allelúja.

[Lectio Prima]
!Act. 2:11
v. Judǽi quoque et Prosélyti, Cretes et Arabes: audívimus eos loquéntes nostris linguis magnália Dei.

[Hymnus Tertia]
@:Hymnus Vespera

[Responsory Tertia]
R.br. Spíritus Dómini replévit orbem terrárum, * Allelúja, allelúja.
R. Spíritus Dómini replévit orbem terrárum, * Allelúja, allelúja.
V. Et hoc quod cóntinet ómnia, sciéntiam habet vocis.
R. Allelúja, allelúja.
&Gloria
R. Spíritus Dómini replévit orbem terrárum, * Allelúja, allelúja.
_
V. Spíritus Paráclitus, allelúja.
R. Docébit vos ómnia, allelúja.

[Capitulum Sexta]
!Act. 2:6
v. Facta autem hac voce, convénit multitúdo, et mente confúsa est, quóniam audiébat unusquísque lingua sua illos loquéntes.
$Deo gratias

[Responsory Sexta]
R.br. Spíritus Paráclitus, * Allelúja, allelúja.
R. Spíritus Paráclitus, * Allelúja, allelúja.
V. Docébit vos ómnia. 
R. Allelúja, allelúja.
&Gloria
R. Spíritus Paráclitus, * Allelúja, allelúja.
_
V. Repléti sunt omnes Spíritu Sancto, allelúja.
R. Et cœpérunt loqui, allelúja.

[Capitulum Nona]
@:Lectio Prima
$Deo gratias

[Responsory Nona]
R.br. Repléti sunt omnes Spíritu Sancto, * Allelúja, allelúja.
R. Repléti sunt omnes Spíritu Sancto, * Allelúja, allelúja.
V. Et cœpérunt loqui.
R. Allelúja, allelúja.
&Gloria
R. Repléti sunt omnes Spíritu Sancto, * Allelúja, allelúja.
_
V. Loquebántur váriis linguis Apóstoli, allelúja.
R. Magnália Dei, allelúja.

[Versum 3]
V. Loquebántur váriis linguis Apóstoli, allelúja.
R. Magnália Dei, allelúja.

[Ant 3]
Hódie * compléti sunt dies Pentecóstes, allelúja: hódie Spíritus Sanctus in igne discípulis appáruit, et tríbuit eis charísmatum dona: misit eos in univérsum mundum prædicáre, et testificári: Qui credíderit et baptizátus fúerit, salvus erit, allelúja.

[Ant Vespera 3]
@:Ant Vespera:s/;.*//