[Rank]
Feria quinta infra Hebdomadam IX post Octavam Pentecostes;;Feria;;1

[Rule]
Oratio Dominica

[Lectio1]
De libro quarto Regum
!4 Reg 6:24-27
24 Congregávit Bénadad rex Sýriæ univérsum exércitum suum et ascéndit et obsidébat Samaríam. 
25 Factáque est fames magna in Samaría, et támdiu obséssa est, donec venumdarétur caput ásini octogínta argénteis, et quarta pars cabi stércoris columbárum quinque argénteis.
26 Cumque rex Israël transíret per murum, múlier quædam exclamávit ad eum, dicens: Salva me, dómine mi rex. 
27 Qui ait: Non te salvat Dóminus, unde te possum salváre? de área, vel de torculári?

[Responsory1]
@Tempora/Pent01-1:Responsory1

[Lectio2]
!4 Reg 6:27-32
27 Dixítque ad eam rex: Quid tibi vis? Quæ respóndit: 
28 Múlier ista dixit mihi: Da fílium tuum ut comedámus eum hódie, et fílium meum comedémus cras. 
29 Cóximus ergo fílium meum, et comédimus; dixíque ei die áltera: Da fílium tuum, ut comedámus eum; quæ abscóndit fílium suum. 
30 Quod cum audísset rex, scidit vestiménta sua, et transíbat per murum; vidítque omnis pópulus cilícium, quo vestítus erat ad carnem intrínsecus. 
31 Et ait rex: Hæc mihi fáciat Deus et hæc addat, si stéterit caput Eliséi fílii Saphat super ipsum hódie. 
32 Eliséus autem sedébat in domo sua, et senes sedébant cum eo.

[Responsory2]
@Tempora/Pent01-1:Responsory2

[Lectio3]
!4 Reg 6:32-33; 7:1
32 Præmísit ítaque virum; et ántequam veníret núntius ille, dixit ad senes: Numquid scitis quod míserit fílius homicídæ hic, ut præcidátur caput meum? Vidéte ergo, cum vénerit núntius, cláudite óstium, et non sinátis eum introíre; ecce enim sónitus pedum dómini ejus post eum est. 
33 Adhuc illo loquénte eis, appáruit núntius qui veniébat ad eum. Et ait: Ecce, tantum malum a Dómino est; quid ámplius exspectábo a Dómino? 
1 Dixit autem Eliséus: Audíte verbum Dómini: hæc dicit Dóminus: In témpore hoc cras módius símilæ uno statére erit, et duo módii hórdei statére uno, in porta Samaríæ.

[Responsory3]
@Tempora/Pent01-1:Responsory3