[Rank]
Sabbato secunda infra Hebdomadam IX post Octavam Pentecostes;;Feria;;1

[Rule]
Oratio Dominica

[Lectio1]
De libro quarto Regum
!4 Reg 9:1-5
1 Eliséus autem prophétes vocávit unum de fíliis prophetárum et ait illi: Accínge lumbos tuos et tolle lentículam ólei hanc in manu tua et vade in Ramoth Gálaad. 
2 Cumque véneris illuc, vidébis Jehu fílium Jósaphat fílii Namsi; et ingréssus suscitábis eum de médio fratrum suórum, et introdúces in intérius cubículum. 
3 Tenénsque lentículam ólei fundes super caput ejus, et dices: Hæc dicit Dóminus: Unxi te regem super Israël. Aperiésque óstium, et fúgies, et non ibi subsístes. 
4 Abiit ergo adoléscens puer prophétæ in Ramoth Gálaad
5 et ingréssus est illuc: ecce autem príncipes exércitus sedébant, et ait: Verbum mihi ad te, o princeps. Dixítque Jehu: Ad quem ex ómnibus nobis? At ille dixit: Ad te, o princeps.

[Responsory1]
@Tempora/Pent01-3:Responsory1

[Lectio2]
!4 Reg 9:6-10
6 Et surréxit et ingréssus est cubículum; at ille fudit óleum super caput ejus et ait: Hæc dicit Dóminus Deus Israël: Unxi te regem super pópulum Dómini Israël,
7 et percúties domum Achab dómini tui, et ulcíscar sánguinem servórum meórum prophetárum, et sánguinem ómnium servórum Dómini de manu Jézabel. 
8 Perdámque omnem domum Achab: et interfíciam de Achab mingéntem ad paríetem, et clausum et novíssimum in Israël. 
9 Et dabo domum Achab sicut domum Jeróboam fílii Nabat, et sicut domum Báasa fílii Ahía. 
10 Jézabel quoque cómedent canes in agro Jézrahel, nec erit qui sepéliat eam. Aperuítque óstium, et fugit.

[Responsory2]
@Tempora/Pent01-3:Responsory2

[Lectio3]
!4 Reg 9:11-13
11 Jehu autem egréssus est ad servos dómini sui, qui dixérunt ei: Recte ne sunt ómnia? quid venit insánus iste ad te? Qui ait eis: Nostis hóminem, et quid locútus sit. 
12 At illi respondérunt: Falsum est, sed magis narra nobis. Qui ait eis: Hæc et hæc locútus est mihi, et ait: Hæc dicit Dóminus: Unxi te regem super Israël. 
13 Festinavérunt ítaque, et unusquísque tollens pállium suum posuérunt sub pédibus ejus in similitúdinem tribunális, et cecinérunt tuba, atque dixérunt: Regnávit Jehu.

[Responsory3]
@Tempora/Pent01-3:Responsory3