[Rank]
Feria Secunda infra Hebdomadam II in Quadragesima;;Feria major;;2.1

[Rank] (rubrica 1930)
Feria Secunda infra Hebdomadam II in Quadragesima;;Feria major;;4.9

[Rank] (rubrica 196)
Feria Secunda infra Hebdomadam II in Quadragesima;;Feria major;;3.9

[Rule]

[Lectio1]
Léctio sancti Evangélii secúndum Joánnem
!Joannes 8:21-29
In illo témpore: Dixit Jesus turbis Judæórum: Ego vado, et quærétis me, et in peccáto vestro moriémini. Et réliqua.
_
Homilía sancti Augustíni Epíscopi
!Tract. 38 in Joann. post init.
Locútus est Dóminus Judǽis, dicens: Ego vado. Christo enim Dómino mors proféctio fuit illo, unde vénerat, et unde non discésserat. Ego, inquit, vado, et quærétis me, non desidério, sed ódio. Nam illum póstea quam abscéssit ab óculis hóminum, inquisiérunt et qui óderant, et qui amábant: illi persequéndo, isti habére cupiéndo. In Psalmis ait ipse Dóminus per Prophétam: Périit fuga a me, et non est qui requírat ánimam meam. Et íterum ait álio loco in Psalmo: Confundántur et revereántur requiréntes ánimam meam.

[Responsory1]
R. Dum iret Jacob de Bersabée, et pérgeret Haram, locútus est ei Dóminus, dicens: 
* Terram, in qua dormis, tibi dabo, et sémini tuo.
V. Ædificávit ex lapídibus altáre in honórem Dómini, fundens óleum désuper: et benedíxit eum Deus, dicens.
R. Terram, in qua dormis, tibi dabo, et sémini tuo.

[Lectio2]
Culpávit, qui non requírerent: damnávit requiréntes. Bonum est enim quǽrere ánimam Christi, sed quo modo eam quæsiérunt discípuli: et malum est quǽrere ánimam Christi, sed quo modo eam Judǽi quæsiérunt: illi enim ut habérent, isti ut pérderent. Dénique istis, quia sic quærébant more malo, corde pervérso, quid secutus adjúnxit? Quærétis me; et ne putétis, quia bene me quærétis, in peccáto vestro moriémini. Hoc est Christum male quǽrere, in peccáto suo mori: hoc est illum odísse, per quem possit solum salvus esse.

[Responsory2]
R. Appáruit Deus Jacob, et benedíxit eum, et dixit: Ego sum Deus Bethel, ubi unxísti lápidem, et votum vovísti mihi: 
* Créscere te fáciam, et multiplicábo te.
V. Vere Dóminus est in loco isto, et ego nesciébam.
R. Créscere te fáciam, et multiplicábo te.

[Lectio3]
Cum enim hómines, quorum spes in Deo est, non débeant mala réddere nec pro malis; reddébant isti mala pro bonis. Prænuntiávit ergo illis Dóminus, dixítque senténtiam prǽscius, quod in suo peccáto moreréntur. Deínde adjúnxit: Quo ego vado, vos non potéstis veníre. Hoc et discípulis suis álio loco dixit: nec tamen eis dixit: In peccáto vestro moriémini. Quid autem dixit? quod et istis: Quo ego vado, vos non potéstis veníre. Non ábstulit spem, sed prædíxit dilatiónem. Quando enim hoc discípulis Dóminus loquebátur, tunc non póterant veníre, quo ille ibat, sed póstea ventúri erant: isti autem nunquam, quibus prǽscius dixit, In peccáto vestro moriémini.

[Responsory3]
@Tempora/Quad2-0:Responsory3

[Ant 2]
Ego princípium, * qui et loquor vobis.

[Oratio 2]
Præsta, quǽsumus, omnípotens Deus: ut família tua, quæ se, affligéndo carnem, ab aliméntis ábstinet, sectándo justítiam, a culpa jejúnet.
$Per Dominum

[Ant 3]
Qui me misit * mecum est, et non relíquit me solum; quia quæ plácita sunt ei, fácio semper.

[Oratio 3]
Adésto supplicatiónibus nostris, omnípotens Deus: et, quibus fidúciam sperándæ pietátis indúlges; consuétæ misericórdiæ tríbue benígnus efféctum.
$Per Dominum