[Rank]
Sabbato post Cineres;;Feria major;;2.1

[Rank] (rubrica 1930)
Sabbato post Cineres;;Feria major;;4.9

[Rank] (rubrica 196)
Sabbato post Cineres;;Feria major;;3.9

[Rule]
Preces Feriales

[Lectio1]
Léctio sancti Evangélii secúndum Marcum
!Marc 6:47-56
In illo témpore: Cum sero esset, erat navis in médio mari, et Jesus solus in terra. Et réliqua.
_
Homilía sancti venerábilis Bedæ Presbýteri
!Lib. 2, cap. 28 in cap. 6 Marci, tom. 4
Labor discipulórum in remigándo, et contrárius eis ventus, labóres sanctæ Ecclésiæ varios desígnat: quæ inter undas sǽculi adversántis, et immundórum flátus spirítuum, ad quiétem pátriæ cæléstis, quasi ad fidam líttoris statiónem, perveníre conátur. Ubi bene dícitur, quia navis erat in médio mari, et ipse solus in terra: quia nonnúnquam Ecclésia tantis gentílium pressúris non solum afflícta, sed et fœdáta est, ut, si fíeri posset, Redémptor ipsíus eam prorsus deseruísse ad tempus viderétur.

[Responsory1]
@Tempora/Quadp3-0:Responsory7

[Lectio2]
Unde est illa vox ejus inter undas procellásque tentatiónum irruéntium deprehénsæ, atque auxílium protectiónis illíus gemebúndo clamóre quæréntis: Ut quid, Dómine, recessísti longe, déspicis in opportunitátibus, in tribulatióne? Quæ páriter vocem inimíci persequéntibus expónit, in sequéntibus Psalmi subíciens: Dixit enim in corde suo: Oblítus est Deus, avértit fáciem suam, ne vídeat usque in finem.

[Responsory2]
@Tempora/Quadp3-0:Responsory8

[Lectio3]
Verum ille non oblivíscitur oratiónem páuperum, neque avértit fáciem suam a sperántibus in se: quin pótius et certántes cum hóstibus, ut vincant, ádjuvat, et victóres in ætérnum corónat. Unde hic quoque apérte dícitur, quia vidit eos laborántes in remigándo. Videt quippe Dóminus laborántes in mari, quamvis ipse pósitus in terra: quia etsi ad horam différre videátur auxílium tribulátis impéndere, nihilóminus eos, ne in tribulatiónibus defíciant, suæ respéctu pietátis corróborat: et aliquándo étiam manifésto adjutório, victis adversitátibus, quasi calcátis sedatísque flúctuum volumínibus líberat.

[Responsory3]
@Tempora/Quadp3-1:Responsory1
(sed rubrica monastica)
@Tempora/Quadp3-1:Responsory2

[Versum 2]
@Tempora/Quadp3-4:Versum 2

[Ant 2]
Me étenim * de die in diem quærunt, et scire vias meas volunt.

[Oratio 2]
Adésto, Dómine, supplicatiónibus nostris: et concéde; ut hoc solémne jejúnium, quod animábus corporibúsque curándis salúbriter institútum est, devóto servítio celebrémus.
$Per Dominum